ನಾಡವರೇ ನಿಜನಾಡಿಗರು
ವೀರತ್ವಕ್ಕೆ ಮತ್ತೊಂದು ಹೆಸರು

ಬೆಂಗಳೂರು ನಾಡವರ ಸಮಾಜ ಒಂದು ಸಂಘ ಸಂಸ್ಥೆಗಳ ನೋಂದಣಾಧಿಕಾರಿ ಕಚೇರಿಯಲ್ಲಿ ನೋಂದಾಯಿತ ಸಂಘವಾಗಿದೆ. ನಾಡವರ ಬಹುತೇಕರ ಮೂಲ ಉತ್ತರ ಕನ್ನಡ ಜಿಲ್ಲೆಯ ಅಂಕೋಲಾ, ಕುಮಟಾ ತಾಲೂಕಾಗಿದ್ದು ಇಂದು ನಾಡವರು ದೇಶ ವಿದೇಶಗಳಲ್ಲೂ ನೆಲೆ ಕಂಡುಕೊಂಡಿದ್ದಾರೆ. ಶಿಕ್ಷಣ, ಉದ್ಯೋಗ, ಉದ್ಯಮವನ್ನು ನಿರ್ವಹಿಸಲು ಇಂದು ನಾಡವರ ಸಮಾಜದ ಜನರು ಉತ್ತರ ಕನ್ನಡ ಜಿಲ್ಲೆ ಬಿಟ್ಟರೆ ಹೆಚ್ಚಿನದಾಗಿ ಬೆಂಗಳೂರಿನಲ್ಲಿ ನೆಲೆ ನಿಂತಿದ್ದಾರೆ.

ಬೆಂಗಳೂರಿನಲ್ಲಿ ವಾಸವಿರುವ ಎಲ್ಲ ನಾಡವರನ್ನು ಒಗ್ಗೂಡಿಸಲು ಹುಟ್ಟಿಕೊಂಡ ಸಂಘವೇ "ನಾಡವರ ಸಮಾಜ ಬೆಂಗಳೂರು" . ನಮ್ಮ ನಾಡವರ ಸಂಸ್ಕೃತಿ, ಕಲೆ, ಆಚಾರ-ವಿಚಾರ, ಇತಿಹಾಸ, ಅಡುಗೆ, ಅಧ್ಯಯನ ಹೀಗೆ ಎಲ್ಲವನ್ನು ಮುಂದಿನ ಪೀಳಿಗೆಗೂ ಮುಟ್ಟಿಸುವಲ್ಲಿ ಸಂಘದಿಂದ ವಿನೂತನ ಸಮಾಜಮುಖಿ ಕಾರ್ಯಕ್ರಮಗಳನ್ನು ರೂಪಿಸಿ ಇಂದು ನಾಡವರ ಸಮಾಜ ಬೆಂಗಳೂರು ಒಂದು ಸಧೃಡ ಸಂಘವಾಗಿ ಬೆಳೆಯುತ್ತಿದೆ. ಬೆಂಗಳೂರು ನಾಡವರ ಹಬ್ಬ ಇಂದು ನಾಡವರ ಸಾಂಸ್ಕೃತಿಕ ಉತ್ಸವದಂತೆ ರೂಪುಗೊಂಡಿದ್ದು ಆ ಒಂದು ದಿನ ಬೆಂಗಳೂರಿನಲ್ಲಿ ನೆಲೆಸಿರುವ ನಾಡವರಷ್ಟೇ ಅಲ್ಲದೆ ಊರಿನಿಂದಲೂ ಜನ ಜೊತೆಯಾಗುತ್ತಿರುವುದು ನಮಗೆ ಹೆಮ್ಮೆಯ ವಿಷಯ.